Që në orët e para të mëngjesit të ditës së sotme është bllokuar nga trafiku rruga në ngjitje dhe zbritje të malit të Tomorrit.
Trafiku i rënduar ka bërë që lëvizja e automjeteve të bëhet shumë ngadalë dhe policia iu ka bërë apel të gjithë qytetarëve që të respektojnë rregullat e qarkullimit rrugorë. Për më shumë se katër orë trafiku ka qenë i bllokuar pasi kjo është rruga e vetme që të çon në Teqen e Abaz Aliut.
Megjithëse janë marre masa nga forcat policisë së Qarkut Berat se bashku me atë Skrapar, kjo situatë e pazakontë ka bërë që pelegrinët të ngelen të bllokuarpër orë të tëra.
Njoftimi i Policisë :
Policia Rrugore Berat
Policia Rrugore e Beratit nisur nga fakti se në aksin rrugor në drejtim të Malit të Tomorit vijon të ketë fluks të lartë të automjeteve, apelon për të gjithë përdoruesit e rrugës që të respektojnë rregullat e qarkullimit rrugor, të mos nxitojnë për të arritur në destinacion duke kryer parakalime të gabuara e manovra të rrezikshme në rrugë, të mos përdorin celularin gjatë drejtimit të mjetit, të mos drejtojnë mjetin nën efektin e alkoolit apo në gjendje të dehur, të vendosin rripin e sigurimit dhe kaskën mbrojtëse.
Gjithashtu i bëjmë thirrje të gjithë drejtuesve të mjeteve që kanë parkuar mjetet pranë Teqes, të afrohen pranë mjeteve të tyre pasi ka fluks të madh të automjeteve dhe parkimet fillestare do ndryshojnë për të bërë të mundur qarkullimin e automjeteve që janë në ngjitje.
Gjithashtu drejtuesit e mjeteve të cilët parkojnë mjetin dhe largohen të vendosin numrin e tyre të celularit në xhamin e mjetit në mënyrë që të telefonohen kur duhet të lëvizin mjetet.
Policia Rrugore e Beratit, fton qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe një reagim të shpejtë dhe profesional.
