Ministri i Mbrojtjes, Niko Peleshi, ka thënë se është ulur numri i vatrave të zjarrit aktive në vend, ndërsa është shprehur se ato më seriozet, mbeten në Kukës, Mirditë dhe Vlorë.
“Në Durrës kemi një vatër të menaxhueshme. Edhe në Fier vatra është drejt eliminimet. Në Karaburun nga tre vatra kemi dy. Mbi Dukat dhe pranë Parkut të Llogarasë vazhdon të ketë vatra. Nata ka qenë shumë e angazhuar. Banesat kanë qenë të rrezikuara, po fatmirësisht ndërhyrja ka qenë intensive.
Ka dy helikopterë që kanë ardhur nga Holanda. Helikopteri i tretë është ai Çek dhe është në punë në veri, pasi ka vatër problematike në Kukës. Duam të shmangim kapërcimin e zjarrit drejt Parkut të Llogarasë, ndaj jemi edhe këtu sepse e konsiderojmë pikën më të nxehtë.
Eshtë ulur numri i vatrave aktive por kemi ende vatra serioze në Kukës, Mirditë dhe Vlorë. Heroizëm dhe bashkimi i forcave ka shmangur rrezikun e prekjes se fshatit nga zjarri në Dukat. Sot, prej orëve të para të mëngjesit kemi rifilluar operacionet nga ajri dhe toka në Kukës (Thirrë) dhe Karaburun.
Na duhet akoma shumë punë dhe bashkëpunim. Mirëpresim mbështetjen e vyer të ofruar nga SHBA. Mirënjohje për BE, Hollandën dhe Çekinë”, përfundoi Peleshi.
