PD, zgjedhje në Fier, ankesa ndaj Luan Baçit për transparencën

Nis votimi i anëtarësisë së PD-së në Qarkun Fier të listës së kandidatëve për deputetë për zgjedhjet e parlamentare të 25 prillit. Me parimin një anëtar një votë ta do të votohen 22 emra të propozuar.

Në listën me 22 emra dallohen dy bluza të bardha Roel Zoga, mjek neurolog dhe kardiologu Viktor Gjini, ndërkohë që rikandidon Luan Baçi ish-drejtues në këtë degë. Ndërsa, ish deputeti Enkelejd Aliabeaj, i cili ka kandiduar në Fier në zgjedhjet e kaluara, nuk është në mesin e emrave.

Basha ka rezervuar për të një vend në listën e Mallakastrës. Procesi i votimit ka filluar prej orës 10:00 dhe do të zgjasë deri në orën 18:00 pranë zyrave të degëve përkatëse.

Kandidatët për deputetë në degën e Fierit që votohen sot:

1. Alban Zhapaj
2. Alketa Lugaj
3. Amarda Shanaj
4. Anisa Zakaj
5. Arbër Gurguri
6. Ardian Fero
7. Aurora Koroveshi
8. Dritan Petova
9. Edmond Plaka
10. Endri Japuaj
11. Enkeleda Veliu
12. Ibrahim Morina
13.  Ilir Bele
14. Ledio Kastrati
15. Leonard Feleqi
16. Lorenc Hoxha
17. Luan Baçi
18. Luljeta Seiko
19. Neshet Driza
20. Roel Zoga
21. Suzana Numani
22. Viktor Gjini

Lidhur me manipulime të mundshme të procesit, dje ka pasur një deklaratë nga Zamira Memica, e cila ka akuzuar ish kreun e PD-së në Fier, Luan Bacin, se ka dërguar në simpatizantët e tij lista me emrat e preferuar.

/Gazeta Reforma/