Grupi Parlamentar i Partisë Demokratike, përmes kreut të tij Gazment Bardhi, ka kërkuar interpelancë me Kryeministrin Edi Rama për ekzekutimin e pagesës 110 milionë euro ndaj biznesmenit italian Francesco Becchetti.
Në kërkesën e adresuar kryeparlamentares Elisa Spiropali, PD nënvizon se kjo shumë u përcaktua nga ICSID si dëmshpërblim për mbylljen e paligjshme të televizionit “Agonset”, rezultat i një fushate të motivuar politikisht.
PD akuzon qeverinë për mungesë transparence mbi këtë çështje dhe kërkon shpjegime për përgjegjësinë e zyrtarëve të lartë, përfshirë Kryeministrin Rama, Kryebashkiakun Veliaj dhe Sekretarin e Përgjithshëm Agaci.
Gjithashtu, theksohet se veprimet arbitrare të zyrtarëve kanë shkaktuar dëm financiar të rëndë për taksapaguesit shqiptarë.
