Nëpërmjet një deklarate për shtyp, Ervin Salianji, i është rikthyer çështjes “Babalja”.
Ish-deputeti ka publikuar disa përgjime të reja të Fred Alizotit.
Ai tha se Alizoti është paguar për të dëshmuar nga Drejtori dhe nëndrejtori i Policisë së Fierit.
“Ne sot po ju paraqesim vetëm disa prej përgjimeve ku paguhet dëshmitari Alizoti prej drejtuesve të lartë, nga Drejtori dhe nëndrejtori i Policisë së Fierit asokohe.”
https://www.facebook.com/partiademokratike/videos/819152121856138/?t=0
Salianji akuzoi Prokurorinë për mostranskriptim të këtyre përgjimeve.
‘Këto janë përgjimet zyrtare të Prokurorisë. Janë dhjetra përgjime të tilla të cilat qëllimisht nuk janë transkriptuar nga Prokuroria . Përgjimet faktojnë qartësisht vënien e Qeverisë në shërbim të krimit dhe më pas të mbulimit të krimit.Gjithçka kemi thënë që nga nga zbulimi i skandalit vërtetohet tashmë edhe nga burime zyrtare të Prokurorisë.”
Në përgjimet e publikuara nga ish-deputeti i PD dëgjohet Fred Alizoti në një telefonatë me Drejtorin e Policisë së Fierit, Albert Nushin.
Shkëputur nga biseda
” Alizoti:Do t’i thuash një çik shefit të më takojë mua se s’bën?
Nushi: Nuk është këtu shefi. Ka shumë mundësi që nesër pasdite të jetë këtu.
Alizoti: d.m.th nesër kur të marrë unë ato. Ej, unë nuk bëj prapa, se e kam parasysh.”
Salianji paralajmëroi se nesër në orën 10 do publikohen të tjera përgjime.
“Nesër në orën 10 do të kemi fakte dhe prova të reja shkencore të cilat janë në fashikullin e Prokurorisë dhe janë marrë me vendim gjykate që faktojnë në mënyrë më të plotë dhe ta padiskutueshme të gjithë atë që ne kemi thënë”.
