Kryeministri Edi Rama në mbledhjen e sotme të Këshillit Kombëtar të Integrimit, nuk ka kursyer as ironitë.
Gjatë kohës kur po fliste, ishte kryetarja e Këshillit, Rudina Hajdari, që i ndërpreu fjalën.
Në këtë moment, Rama aprovoi ndërprerjen duke iu drejtuar me fjalët “patjetër zonja Topalli”, duke e krahasuar me ish-kryetaren e Parlamentit.
Kur PS ishte në opozitë, ish-kryetarja e Parlamentit Jozefina Topalli u ndërpriste fjalën në foltore deputetëve të kësaj partie.
“Të gjithë ta dinë, se kur vjen puna për integrimin e Shqipërisë, duhet të jemi të gjithë bashkë. Këtu duhet të ishte edhe opozita.
Kjo sepse opozita është alternativa e qeverisë. Përpara 11 vitesh ka qenë një qeveri tjetër që e nisi këtë rrugëtim, tani po nisim ne negociatat, ndërsa anëtarësimin, në të ardhmen mund ta bëjë një qeveri tjetër”,-tha Rama.
Ndër të tjera në fjalën e tij në Këshillin e Integrimit kryeministri ka theksuar rëndësinë e dialogut mes palëve për të bërë hapa para në këtë rrugëtim.
