Ferdinand Xhaferri ,kryetari i PD në Durrës, ka vizituar sot banorët e preku nga tërmeti në lagjen 17.
Xhaferi ka akuzuar qeverinë si dhe bashkinë e Durrësit, duke thënë se në vitet e fundit në këtë qytet është bërë masakër me ndërtimet.
Po ashtu, ai ngriti edhe shqetësimin se banorët nuk kanë marrë zgjedhje ndonëse ka kaluar një muaj nga tërmeti.
Xhaferri fajëson ish-kryebashkiakun e Durrësit, Vangjush Dakon, si përgjegjës për këtë situatë, duke kërkuar vënien e tij para drejtësisë.
“Pra, nuk jam këtu në lagjen 17 për t’i thënë kryeministrit pse riktheu Vangjush Dakon në krye të bashkisë?! Sepse këtë e dinë mirë qytetarët e Durrësit. Nuk jam për t’i thënë pse ato 150 milionë eurot e koncensioneve nuk i jep për të dëmtuarit e termetit?! Se edhe këtë e dinë mirë. Dinë akoma më mirë qytetarët e Durrësit pse riktheu Arben Ahmetajn në krye të Ministrisë së Rindërtimit?! Apo pse menjëherë të vetmin vendim që ka marrë ishte për të prishur banesat. Kam dalë për ti thënë çfarë do të bëhet me këto dhjetëra e dhjetëra familje, që kanë investimin e jetës së tyre në këto banesa dhe qeveria ka detyrimin të dalë dhe tu thotë, ti nxjerrë sepse nga paniku I pasigurisë së termetit kanë dalë në panikun e pasigurisë për të ardhmen. Të dalë dhe tu thotë”.tha Xhaferri.
Xhaferri tha se e vetmja vendimarrje ka qenë urgjenca për të prishur, për të zhdukur gjurmët, pasi ky është halli më i madh i Ramës sipas tij.
Në Durrës janë konstatuar te pakten 70 pallate me dëme të konsiderueshme pas lëkundjeve të forta sizmike të 26 nëntorit.
