Ministrja e Drejtësisë Etilda Gjonaj dhe ambasadorja e SHBA në Tiranë, Yuri Kim, kanë zhvilluar ditën e sotme një takim 2-orësh jashtë kamerave.
Lajmi është bërë i ditur nga Ambasada amerikane për Euronews Albania, që bën me dije se diplomatja ka treguar mbështetjen e saj ndaj ministres, teksa e ka nxitur të vazhdonte të njëjtin kurs të reformës në drejtësi.
Kujtojmë se ky takim mes Gjonajt dhe Kim, vjen 10 ditë pasi presidenti Meta kallëzoi ministren dhe dy zyrtarë të tjerë të ministrisë në Gjykatën e Posaçme Anti-Korrupsion (SPAK).
Sipas presidentit ata kanë shkelur ligjet” dhe përmes falsifikimeve kanë tentuar një grusht shteti” për të rrëmbyer kompetencat e presidentit lidhur me Gjykatën Kushtetuese.
Gati padia në SPAK për Gjonajn, ja për çfarë e akuzon presidenti ministren
Vetë Gjonaj i ka hedhur poshtë akuzat e kreut të shtetit duke i cilësuar ato show presidencial dhe ka sqaruar se procedurat e ndjekura i takojnë mekanizmit zhbllokues dhe nuk janë në kundërshtim me ligjin.
Ky takim i amasadores Yuri Kim me Gjonajn është përkthyer si një formë mbështetjeje ndaj ministres, teksa ‘përplasje’ mes Kim dhe Metës ka patur edhe pas minifestimit të 2 marsit.
Me përfundimin e manifestimit, Kim ka sqaruar se ambasada nuk ka asnjë lidhje me manifestimin dhe se ishte surprizuar që kishte parë flamurin amerikan të përdorur nga Meta në podium.
