Lajmi se kryeministri Rama ishte shoqëruar nga policia federale gjermane për shkak të mosmbajtjes së maskës bëri bujë dhe ishte në qendër të vëmendjes për disa ditë.
Edhe Berisha nuk ka harruar ta përmendë përgjatë seancës së sotme plenare duke thënë se Rama është kryeministri i vetëm që nxirret me dhunë nga avioni.
Sipas Berishës, Rama ka tmerruar pasagjerët, për të cilët tha se kanë menduar se ishte anëtar i një organizate terroriste.
“I turpshëm ishte akti yt, unë kërkova fjalën për replikë, dhe rregullorja më jep të drejtë, po vazhdove në këtë mënyrë, do marrësh përgjigjet më të merituara.
Të dashur qytetarë dhe qytetare, jam këtu për të falenderuar për herë të parë Edi Ramën, i cili deklaroi se nuk do të bashkëpunojë me mua, do të vazhdoj betejën time, derisa të marrë atë që meriton.
Jam këtu për një projekt mafioz, si tenderat në kryeministri, opozita nuk mund të marrë pjesë, Ky është kryeministri i parë në botë që nxirret me dhunë nga avioni, pasagjerët panë tmerr, me sy. Kur e panë që nuk kishte hekura në dorë, u tmerruan dhe më shumë, e morën si përfaqësues të një organizate terroriste”, u shpreh Berisha.
Theksojmë se seanca e sotme plenare në Kuvend është shoqëruar me tensione dhe replika të shumta, por ajo që tërhoqi vëmendjen e të gjithëve ishte momenti ku Berisha shtyn me dorë Alibeajn nga foltorja.
