Vrasja e të miturit Martin Cani, ngjarje që ndodhi tetë muaj më parë pranë shkollës “Fan Noli” në Tiranë, tronditi thellë opinionin publik dhe ngriti shqetësime serioze për drejtësinë dhe gjendjen sociale të të rinjve.
Në hapje të emisionit “Top Story”, pas publikimit të videos nga gazetari Eraldo Harlicaj, moderatorja Grida Duma theksoi se ishte pikërisht media ajo që luajti rolin e një pushteti të vërtetë, duke garantuar që kjo ngjarje të mos lihej në harresë.
“Nuk ka asnjë shqiptar që mund të jetë indiferent ndaj ngjarjes. Kjo tragjedi në momentet e para siç e kemi ndjekur dhe analizuar, është dashur një reagim shumë më i madh sa i përket përmasës së tragjedisë. Media ka qenë pushteti që ka siguruar një lloj valvule sigurie për familjen e Martinit që kjo ngjarje nuk mund të lihej në harresë. Media e ka bërë këtë kudo në Shqipëri. Në Top Story kemi mbajtur një standard, duke e konsideruar të shenjtë. Vrasja e një fëmijëve nga një fëmijë është një tragjedi për familjet. Ne me shumë gojë, siç po më merret fryma për të mos e themi të gjithën, kemi edhe rrëfimin e babait të fëmijës që e goditi Martnin. Duke mbajtur këtë balancë edhe nga familja që nuk do donte kurrë që fëmija të godiste diku tjetër,” tha Grida Duma
