Ambasadorja amerikane Yuri Kim ka paralajmëruar se një tjetër deputet do të shpallet “non grata” pas ish-deputetit Tom Doshi.
Kim u pyet sot nga gazetarët për pastrimin e listave të kandidatëve në zgjedhjet e 25 prillit. Ajo edhe një herë ka përsëritur apelin e mëparshëm duke thënë se kjo gjë nuk kërkohet nga SHBA por listat e pastra pa kandidatë të inkriminuar i meriton populli shqiptar.
Teksa u pyet nëse ka ndonjë deputet në Durrës që nuk duhet të kandidojë në zgjedhje, ambasadorja amerikane paralajmëroi se në fund të ditës ka diçka për të thënë.
“Jam ende duke zhvilluar bisedime për këtë pikë që është e rëndësishme, nga fundi i ditës kam për të thënë diçka”, deklaroi ambasadorja e SHBA.
Në daljen e sotme për media, ambasadorja Yuri Kim reagoi dhe për arrestimin e bujshëm mëngjesin e sotëm në Krujë, ku ra në pranga gjyqtarja Enkelejda Hoxha.
Kim iu dha një përgjigje të gjithë skeptikëve të Reformës në Drejtësi, duke thënë se SPAK po bënë një punë të mirë dhe se veprimet po ndodhin hap pas hapi.
Kujtojmë se Top doshi u shpall “non grata” nga SHBA dhe nuk i lejohet hyrja në këtë kontinet bashkë me familjen e tij.
Pas prononcimit të sotëm, ambasadorja la të kuptohej se një tjetër deputet në Durrës, është në kundërshti me ligjin.
