Peshngritësi i mirënjohur shqiptar Erkand Qerimaj është dekoruar nga Presidenti i Shqiopërisë Ilir Meta ditën e sotme. Kampioni shqiptar është vlerësuar me dekoratën “Gjergj Kastrioti Skënderbeu”, e cila jepet për personat që arrijnë sukses të mëdha në fushat e caktuara, përfshirë edhe sportin. Peshëngritësi ynë, pasi u shpall kampion Evrope në stilin e shkëputjes dhe nënkampion në Lojërat Mesdhetare, është vlerësuar edhe nga Presidenti Ilir Meta. Ndërkohë Qerimaj mban mbi supe shumë rekorde dhe medalje të fituara me fanelën e Shqipërisë, ndonëse pak i vlerësuar për arritjet e tij ai ka ngritur lart disa herë flamurin shqiptar. Erkandi është parë të stërvitet në kushte jo të mira për një sportist të kalibrit të tij dhe shpeshherë e ka ngritur problematikën e kushteve të këqija në të cilën stërviten sportistët shqiptarë në përgjithsi, jo vetëm në peshëngritje.
“Një ditë shumë e lumtur! Pas shume viteve punë, mund e sakrifica në 20 vjet, me medalje Mesdhetare, Europiane e Botërore, bashkuar me ngritjen dhe nderimin e flamurit kombëtar në arena ndërkombëtare, vjen vlerësimi!
Falënderoj Presidentin e Republikës, Ilir Meta, për vlerësimin me dekoratën e lartë ‘Gjergj Kastrioti Skënderbeu’! Jam shumë i nderuar të mbaj këtë dekoratë” – shkruan Qerimaj, duke publikuar edhe fotot e rastit.
