Pas Shqipërisë, moti i acartë kaplon Greqinë. Reshjet e dëborës kanë përfshirë Athinën dhe pjesën më të madhe të vendit duke shkaktuar probleme me qarkullimin, ndërsa disa akse rrugore janë bllokuar.
Rruga Athinë-Lamia është bllokuar, ndërsa parashikimet flasin për një përkeqësim akoma më të madh të motit në veri të shtetit fqinj, por edhe në zonat qendrore të Athinës . Për shkak të rrezikshmërisë që paraqitet rruga Athinë-Lamia do të qëndrojë e mbyllur 24 orë.
Sipas ministrit të Mbrojtjes Civile greke, Michalis Chrysochoidis situata pritet që të përkeqësohet por sipas policisë, makinat po lëvizin për momentin dhe gjendja do të vlerësohet çdo orë, kështu që nëse është e nevojshme, trafiku do të ndalet gradualisht.
Kujtojmë se prej dy ditësh tashmë, vendi jonë ndodhet nën pushtetin e ngricës. Reshjet e dendura të botës zbardhën vendin si kurrë më parë në 95% të saj.
Bora krijoi pengesa në shumë aqkse në vend, të cilat ishin thuajse plotësisht të pakalueshme. Aksi i Lezhës ishte dhe ndër më të dëmtuarit, ku qindra makina të tonazhit të rëndë dhe jo vetëm mbetën të ngecura në kushtet ekstreme të motit për dhjetra orë.
Probleme u shfaqën dhe zonat malore dhe ato verilindore, fshatrat e të cilave u bllokuan tërësisht nën një metër trashësi bore.
