Kryeministri Edi Rama ka reaguar mëngjesin e sotëm për 22 vjetorin e bombardimeve të SHBA kundër Serbisë dhe në mbrojtje të Kosovës.
Me anë të një postimi në “Twitter”, kreu i qeverisë ka risjellë në vëmendje fjalimin e Presidentit Amerikan të asaj kohe, Bill Klinton, duke e cilësuar si një lajm historik dhe një datë të pashlyeshme në historinë e marrëdhënieve shqiptaro-amerikane.
“Adresimi historik i Presidentit Bill Clinton për bombardimin e regjimit nacional-socialist të Beogradit në mbrojtje të Kosovës së martirizuar, e bën datën e sotme një datë të pashlyeshme në historinë e marrëdhënieve shqiptaro-amerikane”, shkruan Edi Rama.
Ky reagim i kryeministrit Edi Rama vjen gjithashtu pas provokimit që Presidenti Serb, Alekandër Vuçiç, bëri ndaj shqiptarëve dhe Kosovës.
Kujtojmë se një javë më parë, Vuçiç publikoi hartën e Kosovës me flamurin serb në profilin e tij në Instagram. Kjo solli reagime të shumta.
Në përgjigje, kryeministri Rama tha se harta e publikuar nga Vuçiç ishte një “hartë leshi”, ndërsa e cilësoi liderin serb si shoku në Beograd që luan kukulla në Facebook.
“U vonua pak po më mirë pas asaj hartës së leshit që nxorri ai shoku në Beograd, duke lozur me kukulla në Facebook. Ne jemi një e ardhmja dihet për çfarë është. ne jemi një. Jam shumë i lumtur që e kemi çarë bllokadën. tha Rama.
