Ministrja e Shëndetësisë Ogerta e Manastirliu, bë thirrje për kujdes ndaj pandemisë Covid.
Nëpërmjet një statusi në rrjetin social “Facebook”, Manastirliu thotë se në këto metra të fundit drejt daljes nga tuneli i pandemisë, qytetarët nuk duhet të humbasin vigjilencën.
Më tej ajo thekson se pas më shumë se 4 muaj, situata në spitale është tashme kontrolluar dhe se rastet e reja po ulen çdo ditë e më tepër.
Reagimi i plotë:
Mjekët dhe infermierët e spitaleve #Covid vijojnë të shërbejnë me të njëjtin përkushtim e profesionalizëm për çdo pacient që në këto momente ka nevojë për kujdes spitalor.
Pas më shumë se 14 muajsh pandemi, situata në spitale është e kontrolluar, ndërsa rastet e reja të shtrimeve në spital po ulen çdo ditë e më tepër.
Por ka ende nevojë për kujdes, ndaj t’i ndihmojmë së bashku ekipet mjekësore, në këto metra të fundit drejt daljes nga tuneli i pandemisë”, shkroi Manastirliu.
Lajme të mira këto sa i takon pandemisë, që gjithmonë e më shumë duket drejt përfundimit. Me mbylljen e shumë spitaleve dhe me vaksinimin masiv që po kryhet kudo, situata është optimiste dhe tepër pozitive. I vemti vend që po vuan së fundmi është India, ndërsa shtetet tjera janë drejt përmirësimit.
