Një tjetër zyrtar i lartë ka rezultuar pozitiv me Covid-19 në Rusi.
Bëhet fjalë për sekretarin për mediat në Kremlin dhe zëdhënësin e presidentit Putin, Dmitry Peskov, i cili aktualisht po trajtohet në spital.
Prej 20 vitesh ata punojnë bashkë, por Peskov siç pohon edhe vetë ka më shumë se 1 muaj pa e takuar dhe pa pasur kontakt me Putin.
Por Peskov nuk është i vetmi zyrtar i lartë i prekur nga COVID-19, pasi edhe kryeministri Mikhail Mishustin, deputeti Andrey Belousov, apo ministrat Vladimir Yakushev dhe Olga Lyubimova janë infektuar më parë.
Që në fillim të shpërthimit, të pandemisë presidenti rus minimizoi takimet e drejtprërdrejta, duke i realizuar mbledhjet me anëtarët dhe ndihmësit e kabineti onlinet.
Rusia tashmë renditet e dyta në gjithë botën sa i përket të infektuarve me Covid-19, pas SHBA, me 232 mijë e 243 të infektuar, duke kaluar edhe vende si Italia, Spanja apo Britania që kanë prej 2 muajsh që janë goditur fort nga kjo pandemi.
Por ndryshe nga këto vende, Rusia numëron vetëm 2 mijë e 116 viktima, më pak se vende si Kina, Irani, India, Meksika apo Ekuadori dhe kjo forcon tezën se Europa Lindore është goditur më pak nga Covid-19 sa i përket vdekshmërisë.
