Prej më shumë se dy vitesh prishja e Teatrit Kombëtar ka përfshirë në një debat qeverinë dhe Aleancën për Mbrojtjen e Teatrit.
Artistë të shumtë, por jo vetëm, kundërshtojnë vendimin për prishjen e godinës dhe ndërtimin e një projekti të ri.
Për këtë në korrik të vitit të kaluar, Kuvendi miratoi dhe një ligj special për kalimin e pronës tek privati, por ky ligj nuk u zbatua.
Mirëpo, në mbledhjen e zhvilluar ditën e sotme Këshilli i Ministrave ka marrë vendimin që truallin e Teatrit Kombëtar ta kalojë në pronësi të Bashkisë Tiranë.
Vendimi është publikuar në Fletoren Zyrtare dhe i jep mundësi Bashkisë që të ndërtojë godinën e re me standarde e kushte bashkohore.
Më tej, shtohet se Bashkisë Tiranë i ndalohet të ndryshojë destinacionin e pasurisë, ta tjetërsojë atë apo t’ua japë në përdorim të tretëve.
“Kalimin në pronësi të Bashkisë Tiranë, të pasurisë nr.1/241, me emërtimin “TeatriKombëtar”, në zonën kadastrale 8150, Tiranë, me sipërfaqe totale 5 522.7 (pesë mijë e pesëqinde njëzet e dy pikë shtatë) m2, me adresë: rruga “S. Toptani”, Tiranë, me qëllim ndërtimin e njëgodine bashkëkohore dhe me standarde të Teatrit Kombëtar, në konsultim me të gjitha grupet einteresit, sipas hartës kadastrale që i bashkëlidhet këtij vendimi dhe është pjesë përbërëse e tij. Bashkisë Tiranë i ndalohet të ndryshojë destinacionin e pasurisë së përcaktuar në pikën 1, të këtij vendimi, ta tjetërsojë atë apo t’ua japë në përdorim të tretëve. Pasuria e përcaktuar në pikën 1, të këtij vendimi, i shtohet listës përfundimtare të pjesshmetë pronave të paluajtshme publike shtetërore, miratuar me vendimin nr.219, datë 21.3.2017, të Këshillit të Ministrave, “Për miratimin e listës përfundimtare të pjesshme (pjesa e parë + pjesa edytë) të pronave të paluajtshme publike shtetërore, që transferohen në pronësi ose në përdorimtë njësisë administrative Tiranë, Bashkia Tiranë, të Qarkut të Tiranës”, të ndryshuar. Ngarkohen Ministria e Kulturës, Bashkia Tiranë dhe Agjencia Shtetërore e Kadastrës për zbatimin e këtij vendimi. Ky vendim hyn në fuqi pas botimit në Fletoren Zyrtare”, është ky vendimi i qeverisë.
