Policia e Beratit ka tashmë drejtorin e saj të ri. Kujtojmë se pas largimit rreth një muaj më parë të drejtorit Artion Duka që u emërua Drejtor i Drejtorisë së Policisë së Qarkut Vlorë, vendin e tij e mbajti si i komanduar zëvendësi i tij Fatmir Hoxha.
Prej ditës së sotme Hasan Ahmetaj, do të jetë në krye të policisë së Beratit.
Ahmetaj është një figurë e njohur për policinë e Beratit ku ai ka qënë drejtor në vitet 1998-1999. Ai ka qënë Drejtor i Forcave Operacionale të Lëvizshme për Rendin dhe Sigurinë Publike në Drejtorinë e Përgjithshme të Policisë së Shtetit nga vitit 2018 e deri sot që u emërua në Berat.
Hasan Ahmetaj ka lindur më 15 Korrik të vitit 1957 në fshatin Mashkullorë në Gjirokastër. Ahmetaj ka mbaruar studimet e larta në “Shkollën e Lartë të Ministrisë së Punëve të Brendshme,dega “Kufi.”
Hasan Ahmetaj ka një karrierë të shkurtër por shumë të pasur në Policinë e Shtetit ku ka mbajtur për disa vite poste të rëndësishme. Ai ka qenë Drejtor i Përgjithshëm i Policisë së Shtetit në vitin e vështirë 1997 si dhe oficer në grupin e shoqërimit të kryeministrit Bashkim Fino.
