Më në fund një lajm i mirë për përdoruesit e tranpsortit urban në Tiranë. Pas 5 muajsh pandemi rifillon prodhimi dhe shpërndarja e aboneve për të gjithë linjat e këtij tranpsorti publik.
Mësohet se kërkesa për abone është e njëjtë me atë të një viti më parë, pasi shtatori vjen edhe me një fluks të madh përdoruesish të transportit publik dhe se deri më tani kanë dalë ne treg 62 mijë abone, numër i njëjtë me kërkesen para pandemisë.
Për këtë Bashkia Tiranë ka vendosur që të rikthejë në treg përdorimin dhe shpërndarjen e aboneve, të cilat blihen në kioskat e stacioneve të autobusit por mund të shiten edhe nga faturinot në autobus.
Kujtojmë se në muajin korrik dhe gusht qytetarët udhëtuan pa abone. Kjo pasi gjatë sezonit veror ka më pak përdorues por edhe shkaku i humbjeve të më mëdha të kompanive që ofrojnë transportin publik.
Ndërkohë që në muajin mars i cili përkon me fillimin e pandemisë, pasi në vendin tonë u zyrtarizua me rastin e parë të infeksionit, nuk ka pastur abone për transportin urban pasi u ndërpre si masë parandaluese për përhapjen e koronavirusit.
