Ish-presidenti Bujar Nishani tregon se si janë “hetuar” kandidatët për deputetë të PD-së nga Komisioni i Vlerësimit, ku ai është anëtar.
Lidhur me ish-deputeten Jozefina Topalli, që do të krijojë një parti të re për të garuar në zgjedhjet e 25 prillit, Nishani u shpreh se e ka vlerësuar atë si një nga njerëzit me kontribut të madh në PD, ndërsa ka shtuar se do të donte që ajo ta jepte kontributin po në këtë parti.
“Ajo është një nga njerëzit më me kontribut dhe është e drejta e saj dhe zgjedhja e saj. Unë kam dashur gjithmonë që ajo ta japë kontributin në PD, por është zgjedhja e çdokujt”, deklaroi Nishani.
Duke treguar kriteret ku është bazuar skualifikimi ai ka theksuar se një kusht shumë i rëndësishëm ka qenë integriteti personal i tyre. Po ashtu, shqyrtohej pasuria që kanë deklaruar dhe burimi i kësaj pasurie
“Metodologjia është përzgjedhur nga kriteret e bëra nga Këshilli kombëtar. Me kritere janë formularët e prezantimit të kandidatëve. Është vlerësuar formimi qytetar, shoqëror intelektual politik i secilit prej kandidatëve. çfarë lidhjesh kontaktesh dhe relacionesh ka me zonën ku është propozuar. Më pas performanca e tij në ecurinë e tij . Arsimi i lartë dhe pasuniversitar. Karriera.
Një kriter shumë i rëndësishëm ka qenë integriteti personal i tyre. Shqyrtohej pasuria që kanë deklaruar dhe burimi i kësaj pasurie. Raportet që kanë pasur me ;ligjin gjatë gjithë jetës së tyre. Kriter i rëndësishëm qëndrimet dhe relacionet që vinin nga strukturat e PD. Padyshim që kemi shqyrtuar me një realizëm sa më afër. ky k qenë dhe kompleksi i kritereve”, deklaroi Nishani në intervistën për emisionin “5 Pyetje nga Babaramo”.
/GazetaReforma.com/
