Kuvendi i Shqipërisë sapo ka miratuar me 93 vota Kodin e ri Zgjedhor, i cili ka përfshirë një sërë ndryshimesh, si heqja e koalicioneve, hapja e listave dhe uljen e pragut zgjedhor në 1%.
Bëhet me dije se nga 84 vota që duheshin për të kaluar këto ndryshime, socialistët kanë arritur të sigurojnë 96.
Mazhoranca ka siguruar 96 vota pro, për të kaluar ndryshimet në Kodin Zgjedhor, ndërkohë që për miratimin e ndryshimeve nevojiteshin minimalisht 84 deputetë.
Duke respektuar protokollin ndaj Covid-19, votimi është bërë si në cdo seancë me fletë dhe jo me elektronikë. Seanca e sotme plenare u shoqërua me debate të ashpra mes deputetëve sa i takon qëndrimeve për Kodin Zgjedhor.
Pavarësisht kundërshtive nga një pjesë e deputetëve të opozitës, pjesa tjetër e pranishme në seancë, ka bashkuar votat me maxhorancën, duke plotësuar kështu kuorumin e mjaftueshëm për të kaluar ndryshimet në Kod.
