Komisioni i Marrëdhënieve me Jashtë i Parlamentit Europian ka miratuar në seancë plenare në Strasburg raportin për progresin e Shqipërisë gjatë viteve 2023 dhe 2024.
Dokumenti u aprovua me 502 vota pro dhe 120 kundër, pas debatit të zhvilluar një ditë më parë dhe pas miratimit paraprak më 4 qershor 2025.
Ky raport përfaqëson një vlerësim politik dhe institucional mbi ecurinë e Shqipërisë drejt integrimit në Bashkimin Europian dhe evidenton progresin e bërë në fusha si drejtësia, të drejtat e njeriut dhe lufta kundër korrupsionit.
Shqipëria është e përkushtuar ndaj vlerave të BE-së, si forcimi i demokracisë, sundimi i ligjit, lufta kundër krimit të organizuar, qeverisja e mirë, liria e medias dhe profesionalizimi i administratës publike.
Raporti është hartuar nga raportuesi Andreas Schieder dhe i bën thirrje autoriteteve shqiptare të vijojnë mbështetjen ndaj reformës në drejtësi, duke garantuar në veçanti pavarësinë e Prokurorisë së Posaçme.
