Edhe dita e sotme e shtunë ashtu si e gjithë java që po lëmë pas nuk premton mot të mirë. Orët e para të ditës nisin me vranësira të shpeshta dhe kthjellime të pakta në Shqipëri.
Por duke ju afruar mesditës vranësirat pësojnë zhvillime, duke sjellë reshje shiu në zonat bregdetare dhe të ulëta, ndërsa në zonat malore do ketë reshje dëbore.
Sipas “MeteoAlb” temperaturat e ajrit rriten lehtë në mëngjes por mbeten konstante në mesditë duke luhatur vlerat ekstremale ditore nga -1°C në 13°C.
Era do fryjë e lehtë me shpejtësi deri 33 km/h nga drejtimi Lindor, duke krijuar në det dallgëzim 2-3 ballë.
Dita e diel mot me alternime vranësirash dhe intervale me diell. Reshje shiu të izoluara përgjatë relieveve malore.
Era nga kuadrati i veriut me shpejtësi mesatare 2-8m/s, e cila hera-herës përgjatë zonave luginore (kryesisht në veri) dhe përgjatë vijës bregdetare fiton shpejtësi deri në 15-18m/s.
/GazetaReforma.com/
