Pas tërmetit të 26 nëntorit, kryeministri Edi Rama paralajmëroi ndërtuesit, që të merrnin përsipër riparimin e dëmeve, në të kundërt do të pëballeshin me pasoja ligjore.
Në mbledhjen e sotme të qeverisë, kryeministri bëri me dije se deri më tani janë identifikuar 60 kompani, të cilat janë nën hetim.
Sipas shefit të qeverisë, të gjitha provat janë të dokumentuara dhe nuk ka asnjë provë që mund të fshihet.
Ndër të tjera Rama tha se 12 kompani presin lejen, për të filluar punën, për riparimin e objekteve.
“60 firma në Durrës janë të regjistruara nga policia dhe hetimi përkatës si kompani që lidhen me godina të ndërtuara, 12 janë gati, një apel të tjera që të vijnë, nëse duan të lajnë një pjesë të shpirtit të tyre në këtë proces. Hetimi vijon. Janë 30 persona në grupin e hetimit të policisë kriminale bashkë me prokurorët që po mbledhin dokumentet. Nuk ka asnjë provë që fshihet të gjitha vendngjarjet janë të mbyllura nga pikëpamja e dokumenteve, provave, fotografimi, etj”, tha Rama.
Shefi i qeverisë deklaroi gjithashtu se Shqipëria ka mungesë të fuqisë punëtore dhe do të kërkohet ndihmë nga jashtë.
