Italia po kalon momente dramatike për shkak të koronavirusit.
Tashmë shteti ynë fqinj ka kaluar edhe Kinën për numrin e të vdekurve, duke shkuar në 3405, ndërsa ka kaluar shifrën e 40 mijë të infektuarve.
Përtej numrit të madh të viktimave, Italia duhet të përballet edhe me mungesën e burimeve njerëzore, pasi në rajonin e Bergamos, situata ka arritur në nivele kritike.
Përsa i përket hapjes së shkollave, duke parë situatën janë hedhur tre hipoteza.
Nxënësit mund të rikthehen në banka më 15 prill, në fillim të majit dhe nëse nuk ka përmirësim të situatës në shtator.
Presidentja e Bankës Qëndrore, Christine Legarde, paralajmëron Italinë, se pas kapërcimit të situatës me koronavirusin, do të përballet me një shok ekonomik.
Ndërsa presidentja e Komisionit Europian, Ursula von der Leyen, premtoi mbështetje maksimale.
BE ka alokuar një fond prej 750 miliard eurosh, që do t’i vijë në ndihmë jo vetëm Italisë, por edhe shteteve të tjera.
Sipas von der Leyen, me këto para, vendet e BE mund të investojnë në sistemin shëndetësor, turizëm, transport dhe mund të ndihmojnë bizneset e vogla dhe të mesme.
“Më pas duhet të marrim hua të tjera, me një rritje të borxhit publik”, vijoi presidentja e KE.
Ndër të tjera ajo garantoi se nga kjo shumë, pjesa më e madhe do t’i shkojë Italisë.
