PS ka zyrtarizuar kandidaturën që do të përfaqësojë siglën e saj në zgjedhjet e parakohshme për kryebashkiak që do të mbaheh më 4 gusht në Himarë. Pasi KQZ vendosi t’i heqë mandatin Fredi Belerit, ish-kryetar i zgjedhur i Himarës, menjëherë Këshilli i Ministrave i dërgoi letër Presidentit për dekretimin e datës së zgjedhjeve. Në vijim të planit po me urgjencë doli edhe kandidatura.
Por Vangjel Tavo, i cili për disa muaj, deri më sot, ka mbajtur postin e prefektit të Vlorës, vetëm pak kohë më parë akuzonte Edi Ramën, se e blinte 500 euro votën në Gjirokastër.
Avokati Genc Gjokutaj është shprehur se kandidati i PS për Bashkinë e Himarës, Vangjel Tavo, pas zgjedhjeve politike të vitit 2021 ka bërë kallëzim për Edi Ramën duke e akuzuar atë se i kishte vjedhur votat si kandidat.
Tavo ishte kandidat i LSI-së në vitin 2021, në zonën e Gjirokastrës dhe do të hidhte akuza të rënda ndaj Edi Ramës.
‘Fenomeni nuk është për herë të parë. Ka ndodhur në Gjirokastër edhe në 2017.
Pse vlera 500 euro, pyet gazetarja? Edhe për vlerën, duhet ta dini se nuk përbën surprizë se e përafërt ka qenë edhe në 2017. Kur nuk janë para djerse janë kollaj për tu shpenzuar, me idenë se mund të rifitohen sërish me të njëjtat mënyra, pra me drogë dhe korrupsion’, në 31 marsin e vitit 2021, pak ditë para zhvillimit të zgjedhjeve.
Kujtojmë se Bashkia e Himarës ndodhet në kolaps që prej zgjedhjeve të 14 majit, me kryebashkiakë të burgusur si Beleri e Goro, e me kryebashkiakë të komanduar që ikin më shpejt se vinë, si Blerina Balaj. Tashmë Rama nuk di më kë të kandidojë në Himarë dhe merr persona nga vende të tjera.
LEXO EDHE:
Kolaps në Himarë/Pas furtunës së Belerit në Greqi, oligarkët e Ramës largojnë Balajn
