Jaeld Çela, ish-shefi i Policisë së Vlorës i dyshuar si garantor i grupit të “Habilajve” në trafikun e drogës, i ka dërguar një kërkesë Gjykatës së Krimeve të Rënda, ku kërkon të mbyllet hetimi ndaj tij.
Kujtojmë se Çela vijon të jetë në arrati prej më shumë se një viti, dhe në 11 shkurt Krimet e Rënda do të shqyrtojnë kërkesën e tij.
Ai është shpallur në kërkim bazuar në një masë sigurie “arrest në burg” në mungesë në nëntor 2017.
Ish-drejtori i Policisë, sipas hetimeve rezulton se ka mbajtur në përdorim 3 numra telefoni, në të cilat ka komunikuar me Florian Habilajn dhe Gentian Cekën, që është shoferi i ish-ministrit të Brendshëm, Saimir Tahiri.
Por, kjo nuk është hera e parë që Çela ankohet për zgjatjen e afatit të hetimit, pasi ai bëri të njëjtën kërkesë nga arratia në mars të vitit të kaluar, kur hasi në refuzimin e gjykatës.
