Papa Françesku është shtruar këtë të diel në një spital në Romë, ku pritet t’i nënshtrohet një ndërhyrje kirurgjikale. Mësohet se Papa do t’i nënshtrohet një operacioni të planifikuar për një problem që kishte me zorrën e trashë.
Lajmi është konfirmuar nga Vatikani. Zëdhënësi i Vatikanit Matteo Bruni, tha se Papa, vuante nga “sentoza diverikulare simptomatike” e zorrë së trashë, një gjendje që shkakton dhimbje të vazhdueshme dhe fryrje të barkut. Bruni tregoi se operacioni do të realizohet në orët e mbrëmjes në spitalin Gremelli në Romë.
Mediat shkruajnë se kjo është hera e parë që Papa Françesku, 84 vjeç, shtrohet në spital, që nga zgjedhja e tij në krye të Vatikanit në vitin 2013.
Sipas një deklarate zyrtare nga selia e Shenjtë, ndërhyrja e Papës ishte e planifikuar dhe ka të bëjë me një “stenozë divertikulare simptomatike” të zorrës së trashë. Operacioni do të kryhet nga profesori Sergio Alfieri dhe pritet që në fund të ketë një deklaratë zyrtare për mediat lidhur me gjendjen e Atit të Shenjtë. Gjatë qëndrimit në spitalin “Gemelli”, Papa Francesco do të qëndrojë në kalin e dhjetë, në të njëjtat ambiente që janë strehuar dhe paraardhësit e tij në detyrë. Mësohet se, Papa ka marrë vetëm shoferin e tij dhe një bashkëpunëtor të ngushtë, duke mos tërhequr fare vëmendje. Madje për mbërritjen e tij në spital nuk kishte dijeni as një pjesë e madhe e stafit.
