121 pasagjerë të linjës ajrore Basel-Prishtinë janë tronditur mbrëmjen e djeshme nga disa turbulenca të fuqishme.
Ka qenë media zvicerane “20 Minuten” ajo që bëri me dije se në këtë linjë pas turbulencave pati edhe disa persona të lënduar por që janë jashtë rrezikut për jetën.
Në një video e regjistruar brenda avionit në momentet e turbulencave, duken pasagjerët që ulërasin të tmerruar teksa lëvizin sa në njërin krah në krahun tjetër për shkak të tronditjeve të forta.
Për fatin e mirë të të gjithë pasagjerëve, turbulencat arritën të menaxhoheshin në kohë dhe mësohet se edhe personat që mbetën të lënduar, janë në gjendje të mirë shëndetësore.
