Situata e vështirë pandemike që ka kapluar gjithë botën nuk ia ka zbehur dëshirën shqiptarëve për tu larguar nga vendi.
Sipas të dhënave të Zyrës Europiane të Azilaantëve gjatë viti 2020 aplikuan rreth 6 mijë e 500 persona, prej të ciloëve vetëm 125 persona arritën të marrin statusin e refugjatit.
Numri më i ulët raportohet në muajt mars dhe prill që përkon me kohën kur vendi ishte në karantinë, por fluksi njohu rritje prej qershorit.
Në raport bëhet e ditur se vetëm në muajin dhjetor kishte rreth 460 aplikime, nga të cilat 289 ishin për herë të parë
Një vit më parë numri i kërkesave të shqiptarëve për strehim në vendet e Bashkimit Europian raportohej në më shumë se 20 mijë.
Gjatë vitit 2020 janë refuzuar 8 mijë e 700 kërkesa nga shqiptarët, ndërkohë që vetëm 125 kanë marrë statusin e refugjatit.
Një tjetër statistikë shqetësuese sipas Zyrës Europiane të Azilantëve ka të bëjë më shumë se 58 mijë aplikime të mbetura ende pa u shqyrtuar dhe ende pa një përgjigje nga vendet përkatëse të BE.
Në raportet e fundit Shqipëria renditej e dyta sa i përket aplikimeve për azil në raport me popullsinë, duke lënë pas vetëm Sirinë.
75 përqind e shqiptarëve që kërkojnë azil në vendet e Bashkimit Europian janë nën moshën 34 vjeç.
