Situata nga pandemia në rajon sa vjen e rëndohet, ndërkohë numri I rasteve të reja dhe viktimave nga covid-19 në shtetet tona fqinje sa vjen e rritet.
Gjatë ditës së fundit në Greqi, brenda 24 orëve të fundit kanë humbur jetën nga covid-19 27 persona, ndërkohë që janë shënuar edhe 866 raste të reja.
Që prej fillimit të pandemisë në Greqi, 5.329 persona kanë humbur jetën nga Covid-19, ndërsa numri i përgjithshëm i të infektuarve ka shkuar në 146.020.
Po ashtu situata paraqitet serioze edhe në Itali, ku vetëm gjatë ditës së sotme 616 persona kanë humbur jetën nga koronavirusi, ndërsa janë shënuar edhe 14.242 raste të reja vetëm në një ditë.
Kujtojmë që deri më tani në Itali që prej fillimit të pandemisë, kanë humbur jetën për shkak të covid-79,819 persona, ndërsa numri i përgjithshëm i të infektuarve ka shkuar në 2,303,263.
Italia mbetet një nga vendet më të prekura nga pandemia covid-19, e cila tashmë prej disa kohësh 2 milionë raste të infektuarish, dhe ka regjistruar më shumë se 79.000 viktima.
Një prej qyteteve italiane ku sistemi shëndetësor po arrin në kolaps është Napoli, ku si pasojë e spitaleve të mbingarkuara personat janë të detyruar të vihen në radhë dhe të presin jashtë spitaleve.
Pacientët kanë filluar të marrin trajtim mjekësor, ndërkohë që presin radhën në makina. Gjendja paraqitet e rënduar edhe në rajonin e Lombardisë./Gazetareforma.com/
