Italia raportoi ditën e sotme 423 vdekje të lidhura me koronavirusin nē krahasim me 431 që ishin një ditë më parë, tha ministria e shëndetësisë, ndërsa numri i përditshëm i infeksioneve të reja u rrit në 24,935 nga 23,059 një ditë më parë.
Rreth 353,737 teste për COVID-19 u kryen ditën e djeshme, krahasuar me 369,084 gjate ditës së sotme tha ministria e shëndetësisë. Italia ka regjistruar 103,855 vdekje të lidhura me COVID-19 që kur rasti i parë i saj u shfaq në shkurt të vitit të kaluar, dhe ky është numri i dytë më i lartë në Evropë pas Britanisë dhe i shtati më i lartë në botë. Vendi ka raportuar 3.3 milion raste pozitive me Covid deri më tani.
Pacientët në spital me COVID-19 – duke mos përfshirë ata në kujdesin intensiv ishin sot 26,694 persona nga 26,517 një ditë më parë. Ndërkohë kishte 249 shtrime të reja në njësitë e kujdesit intensiv, krahasuar me 324 që ishin të mërkurën. Numri i përgjithshëm i pacientëve në kujdes intensiv u rrit në 3,333 nga 3,317 që ishin një ditë më parë.
Kur vala e dytë e pandushin së Covid në Itali po përshpejtohej shpejt në gjysmën e parë të nëntorit, pranimet në spitale po rriteshin me rreth 1.000 në ditë dhe kjo alarmoi vendin dhe spitalet.
