Të gjithë mund të biem dakord në një pikë që viti 2020 është viti i të papriturave dhe çudirave në gjithë botën. Gjatë këtij viti të cilit i ka mbetur dhe një muaj për të mbaruar kemi dëgjuar dhe parë gjëra që as nuk i kishim imagjinuar.
Një ndikim të madh në këto ngjarje ka patur dhe pandemia e koronavirusit e cila ka arritur t’i japë fund luftës së gjigantëve të ushqimit të shpejtë: Burger King dhe McDonald’s. Arsyeja është se të dyja kanë pësuar goditje të fortë nga pandemia.
Për herë të parë në histori, Burger King u ka kërkuar klientëve të tij që të porosisin ushqim te kundërshtari i tyre i përjetshëm, McDonald’s.
Në një postim në Twitter, Burger King shkruan: “POROSISNI TE MCDONALD’S. Kurrë nuk do ta kishim menduar se do t’ju kërkonim diçka të tillë. Restorantet po largojnë shumë punonjës dhe në këtë moment kanë nevojë për mbështetjen tuaj. Kështu që, nëse doni të ndihmoni, porosisni ushqim në shtëpi. Porosisni nga KFC, Subway, Domino’s Pizza, Pizza Hut, Five Guys, Greggs, Taco Bell, Papa John’s, Leon… ose nga çdo restorant tjetër që nuk kemi përmendur më sipër”.
Në fund të postimit, nuk mund të mungonte edhe pak reklamë për veten: “Të porosisësh një Whopper është gjithmonë opsioni më i mirë, por edhe një Big Mac nuk është keq”.
We know, we never thought we’d be saying this either. pic.twitter.com/cVRMSLSDq6
— Burger King (@BurgerKingUK) November 2, 2020
