Zyrtarët e lartë të Ministrisë së Shëndetësisë belge, kanë dhënë alarmin se vendi brenda dy javësh do të shkojë drejt kolapsit dhe katastrofës shëndetësore.
Institutit Kombëtar i Shëndetit Publik belg ka raportuar më shumë se 13 mijë raste brenda ditësh, duke paralajmëruar se vendi do të vuajë nga mungesa e shtretërve të kujdesit intensiv.
Në një konferencë përshtyp për mediat vendase, zëdhënësi belg për luftën kundër korovarirusit, Yves Van Laethem, paralajmëroi se nëse qytetarët nuk ndërgjegjësohen dhe nuk ndryshojnë sjellje atëhere njësitë e kujdesit inensiv do të arrijnë kapacitetin e tyre prej 2.000 pacientësh në 15 ditë.
“1000 shtretër të kujdesit intensiv nga 1.250 që janë planifikuar për t’u zënë, janë duke u përdorur. Rastet e pranimeve të pacientëve në spital dhe kujdes intensiv po dyfishohen çdo tetë ditë.
Duhet të merret një vendim nëse vendi duhet të mbyllet përsëri përpara fundit të javës dhe nëse Belgjika nuk shikon rënie të shtrimeve nëpër spitale, duhet të vendosen masa më strikte”, shtoi Laethem.
Kujtojmë se javën e kaluar, qeveria belge kufizoi orarin e lëvizjes nga ora 24:00 deri në 05:00, ndaloi organizimin e eventeve amatore sportive dhe eventet profesionale duhet të zhvillohen pa audiencë.
Shteti me 11.5 milion banorë ka shënuar në total 333,718 raste dhe 10,899 vdekje që nga fillimi i pandemisë./GazetaReforma.com/
