Ministri i Shëndetësisë së Kosovës, Armend Zemaj, ka deklaruar se Kosova ka siguruar mbi 360 mijë vaksina nga OBSH-ja.
Zemaj ndër të tjera ka treguar se në çfarë mënyre do të sigurohet pjesa tjetër e vaksinave.
Ai theksoi në emisionin Pressing të T7se 20% të vaksinave që nevojiten në për Kosovë, OBSH-ja do t’i sigurojë falas për Kosovën.
“Aktualisht vaksina është në testim shkencor. Ne kemi shpreh interesimin tonë, jo vetëm përmes OBSH’së. Kjo organizatë na ka futur në programin e 20% falas, nga blerja që vaksina e ka të siguruar. Mbetet që ta sigurojmë vaksinën në tërësi për të gjithë”, është shprehur Zemaj.
Më tej, ministry Zemaj tregoi se 1.2 milion banorë në Kosovë duhet të vaksinohen.
“Rreth 1.2 milion banorë në Kosovë duhet të vaksinohen sipas llogaritjeve tona. 360 mijë janë të siguruara. Për pjesën tjetër kemi biseduar me UNICEF’in”, ka thënë Zemaj. “Ne do të bëhemi edhe pjesë e blerjes njëjtë si shtetet tjera”, shtoi ministri kosovar i Shëndetësisë./GazetaReforma.com/
