Operacioni i SPAK në Elbasan ka nxjerrë në pah lidhjet e ish-gjyqtares Pajtime Fetahu me grupin kriminal të Suel Çelës, ndërsa pamjet e Megi Fetahut, vajzës së saj, në një lokal me të ëmën duke kërcyer, kanë bërë bujë.
Sipas informacionit të publikuar nga BoldNews, videoja e vitit të kaluar tregon dyshen duke kaluar kohë së bashku në një lokal në Elbasan, në një moment që Megi, megjithëse është pedagoge, është vështirë të gjendet në portretet publike, pasi fotografia e saj mungon edhe në faqen zyrtare të universitetit.
Operacioni i SPAK, pas zbërthimit të bisedave në platformën “Sky ECC”, ka çuar në arrestimin e Pajtime Fetahut, e cila, siç dyshohet, ka shërbyer si lidhëse mes Suel Çelës dhe një grupi të fuqishëm të krimit të organizuar.
Po ashtu, janë lëshuar masa arresti dhe kontrolluar disa banesa të ish-gjyqtarëve dhe ish-prokurorëve, përfshirë Zihni Shahun dhe Dedan Gjonin, që dyshohet se kanë pasur lidhje me korrupsionin dhe kanë favorizuar aktivitetet kriminale të Suel Çelës dhe grupit të tij.
Operacioni është mbështetur nga Europol dhe agjencitë ligjzbatuese të Shqipërisë dhe Evropës.
