Një aksident i rëndë automobilistik ka ndodhur ditën e sotme në Kavajë.
Nga njoftimi i policisë mësohet se tek vendi i quajtur “Unaza e vjetër”, efektivi i policisë Murat Xhahysa ka humbur kontrollin e automjetit dhe është përplasur me një shtyllë.
Në një video të publikuar nga “AbcNews” duket momenti kur automjeti me të cilin po udhëtonte efektivi i policisë është përplasur me një shtyllë pasi po ecte me shpejtësi të lartë.
Si pasojë e aksidentit ka mbetur i lënduar efektivi ii policisë Murat Xhahysa, i cili është dërguar menjëherë në spital.
Policia bën me dije se po punon për zbardhjen e plotë të rrethanave të ngjarjes.
Njoftimi i plotë:
Tiranë/Informacion paraprak
Më datë 17.06.2020, rreth orës 13:10, në Kavajë, tek vendi i quajtur “Unaza e vjetër” mjeti me drejtues M.Xh.,, ka humbur kontrollin e drejtimit të mjetit dhe ka goditur një shtyllë, për pasojë është dëmtuar dhe u dërgua menjeherë në spital, dhe ndodhet nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
