Vatikani ka zbuluar detajet e unazës së Papa Leonit XIV, një simbol i rëndësishëm i autoritetit dhe lidhjes së tij me Kishën.
Në sipërfaqen e jashtme të unazës ndodhet imazhi i Shën Pjetrit, ndërsa mbi të është gdhendur emri “Leo XIV”.
Në pjesën e brendshme është gravuar stema papnore, duke e bërë këtë unazë tërësisht unike për papninë e tij.
Unaza e Papës, e njohur si “Unaza e Peshkatarit”, është një element i rëndësishëm i veshjes zyrtare të kreut të Vatikanit.
Ajo e lidh Papën, si pasardhës i Shën Pjetrit, peshkatarit të Galilesë, me të gjithë trupin e Kishës.
Gjatë ceremonisë së dorëzimit, Papa Leoni XIV u pa i emocionuar teksa e shikonte simbolin e ri të shërbesës së tij.
Në Kishën Katolike, unazat janë simbole të lidhjes shpirtërore të peshkopëve me dioqezat e tyre. Ndërsa për Papën, unaza përfaqëson lidhjen me Kishën universale.
Është traditë që besimtarët ta përshëndesin Papën duke puthur këtë unazë, si shenjë nderimi dhe përkushtimi.
Pas ndarjes nga jeta të një pape, unaza shkatërrohet, një praktikë që ka nisur që në Mesjetë.
Shkatërrimi i saj simbolizon fundin e mandatit papnor dhe njëkohësisht siguron që vula papnore e gdhendur në unazë të mos keqpërdoret në falsifikime dokumentesh.
Çdo Papë ka unazën e vet të personalizuar, e cila zakonisht varroset bashkë me të.
