Autoriteti Palestinez ka anuluar marrëveshjen me Izraelin për të marrë rreth një milion vaksina të Pfizer-BioNTech, duke thënë se dozat do të skadojnë. Kur Izraeli njoftoi se kishte arritur një marrëveshje me Palestinën për 1 milion doza, tha se vaksinat do të skadonin së shpejti, por nuk specifikoi kohën.
Sipas marrëveshjes, Autoriteti Palestinez duhet t’i japë Izraelit një numër reciprok të dozave në një prej dërgesave që pritet të pranojë më vonë gjatë këtij viti.
“Kryeministri konfirmoi se qeveria refuzon të marrë vaksinat që do të skadojnë”, tha zëdhënësi palestinez Ibrahim Melhem në një konferencë shtypi.
Ndërsa Astrazeneca, duhet t’i dorëzojë Bashkimit Europian 80.2 milion doza të vaksinës së saj brenda 27 shtatorit. Vendimi është dhënnë nga gjykata e shkallës së parë në Bruksel. Një vendim që shënon fitore si për kompaninë anglo suedeze, njësoj dhe për komisionin europian.
Ursula Von Der Leyen u shpreh se vendimi konfirmon qëndrimin e Bashkimit Europian pasi Astrazenek nuk përmbushi detyrimet që kishte sipas kontratës. Në vendim, kërkesat e komisionit cilësohen pjesërisht të bazuara, por kërkesa për dëmshpërblim – 10 euro për çdo dozë që nuk është dorëzuar – nuk u pranua.
Në tre mujorin e parë të vitit 2021 Astrazeneca dorëzoi 30 milion doza dhe synon të dorëzojë dhe 40 milion të tjera deri në fund të muajit qershor. Një hap që e bën më të letë përmbushjen e objektivit për dorëzimin e 80 milion dozave në total deri në muajin shtator të këtij viti, sipas vendimit të gjykatës.
