Ministri i komanduar për situatën e emergjencës së krijuar nga COVID-19, ka sqaruar dy paketat ekonomike të qeverisë.
Duke folur nga karrigia e deputetit, Ahmetaj tha se 2 paketat e para prekin drejtpërdrejt 310 familje.
Ministri tha se në paketën e parë janë prekur 64 mijë e 142 qytetarë, që janë konsideruar të vetëpunësuar dhe kanë marrë 26 mijë lekë të reja, ndërsa për të papunët dhe ndihmën e ekonomike është dyfishuar kësti.
”Një përshkrim i plotë i paketave dhe konciz i ndihmave ndaj familjeve në nevojë. Shifra e avancimit nga buxheti në 2 paketat shkon e para 6.5 miliardë dhe e dyta 7 miliardë lekë dhe të dyja të cilat do mundohemi t’i detajojmë prekin 310 familje drejtpërdrejt. E para për biznesin e vogël të ndaluar për të punuar, prek të punësuar dhe të vetëpunësuar 64 mijë e 142 qytetarë një pjesë e të cilëve rezulton si i punësuar pa pagesë por qeveria e ka kaluar momenti ne të vetëpunësuarit pa pagesë por e ka konsideruar si të punësuar dhe i ka akorduar 26 mijë lekë.
Paketa është fokusuar tek 70 mijë familje në nevojë, me ndihmë ekonomike dhe të gjithave u është dyfishuar pagesa e ndihmës ekonomike që e kalon ndihmën ekonomike për 3 muajt për mars, prill, maj në 160 mijë lekë të vjetra. Ndërkohë pjesë e paketës janë edhe të papunët që përfitojnë pagesë papunësie rreth 2 mijë e 700. Në zyrat e punës sot ka një fluks të rëndësishëm që aplikojnë për pagesë papunësie dhe në maj do ketë brenda grupit që do përfitojë edhe 1 mijë e 500 të tjerë”, tha ministri.
Përsa i përket paketës së dytë ekonomike, Ahmetaj tha se 100 mijë të punësuar në biznesin e vogël përfitojnë 40 mijë lekë.
“Paketa e dytë ka përfshirë dhe një numri të konsiderueshëm të papunësh apo të punësuar dhe vetëpunësuar që për arsye të COVID-19 ekonomia dhe gjithë njësia ekonomike e tij është ngadalësuar është kthyer në ndihmë.
Instrumenti i garancisë i bën të mundur të gjitha sipërmarrjeve të paraqiten në banka me risk zero ndërkohë që interesin e ka marrë buxheti i shtetit. Situata përderisa është dinamike dhe buxheti dhe qeveria reflekton. Paketa e dytë është 7 miliardë, është fokusuar jo vetëm tek biznesi i vogël por dhe tek i madhi. Shumë kush u tall me armikun e padukshëm, është i dukshëm dhe po shkrin qëndrueshmërinë ekonomike. 100 mijë të punësuar në biznesin e vogël përfitojnë nga paketa e dytë me 40 mijë lekë”, vijoi Ahmetaj.
