Këtë të hënë deputeti i PD, Dashnor Sula, përmes një postimi në rrjetin social Facebook, ka kritikuar qeverinë në lidhje me paketën e ndihmës që u miratua pak kohë më parë. Sula nuk kursen ironinë duke e quajtur si të panevojshme për qytetarët. Ai ka krahasuar situatën në Shqipëri me atë në rajon ku sipas tij vihet re një diferencë e madhe.
REAGIMI I SULËS
🔴Dallimi mes qeverisë së përgjegjshme dhe gënjeshtrave shqiptare.
📍Qeveria e Maqedonisë së Veriut miratoi dje paketën e radhës prej 350 milionë euro për të ndihmuar qytetarët e saj të përballojnë krizën ekonomike.
Në këto kushte 42 mijë qytetarë, në ndihme sociale do të marrin nga 200 euro në 4 muajt e ardhshëm, ndërsa pensionistët do të kenë një shtesë prej 25 eurosh në muaj. Paketa përfshin subvencione edhe për faturat e energjisë elektrike për familjet dhe për kompanitë.
Ndërkohë 52 milionë euro do të shkojnë për bujqit. Parimi kryesor i paketës anti-krize është që kostot e produkteve të shportës të mos rriten më tej. Në dispozicion janë vënë edhe fonde për bizneset që kanë mungesë likuiditeti.
📍Kjo masë erdhi pas asaj të mëparshme ku qeveria vendosi tavan çmimesh për për ushqimet e shportës. Megjithatë nuk u ndal me aq dhe miratoi dje paketën e re.
📍Kjo është masë reale ndihme ndaj qytetare jo ajo qe bëri sikur miratoi qeveria jonë. Në ndryshimin e buxhetit në shtator nga qeveria shqiptare u indeksua 300 lekë të vjetra në ditë pensioni dhe ndihma ekonomike e familjeve në nevojë. Kjo nuk është ndihmë por tallje.
📍Ndaj statistikat nxjerrin në Shqipëri se afro 50% e familjeve shqiptare jetojnë vetëm me 7 dollarë në ditë. E imagjinoni ju se çfarë mund të blejë një familje me çmimet që janë. As për të mbushur barkun me bukë nuk mjaftojnë 7 dollarët në këto kushte me çmimet në stratosferë. Ndaj kjo mazhorancë nuk duhet të gëzoj më besimin e qytetarëve për ti lënë fatin e tyre në dorë. Sepse kjo qeveri i harxhon paratë me klientët.
60 milionë euro për 10 klientë për të subvencionuar çmimet, 300 lekë të vjetër për qytetarët.
