Kryeministri Edi Rama ka qenë i pranishëm në një konferencë me gazetarët në zyrat e OSBE-së në Vjenë.
Ndër të tjera, Rama është pyetur edhe rreth paketës së “Anti-Shpifjes”.
Ai u shpreh se ky ligj është miratuar nga OSBE.
Për gazetarët e pakënaqur tha se duhet të lexojnë paketën.
Më tej, me ironi shtoi se nëse se kuptojnë, atëherë ai mund tu ofrojë ndihmë.
Pjesë nga biseda
Gazetarja: Keni lënë pas gazetarë të pakënaqur për ligjin e ri të Antishpifjes. Si do ta kapërceni që Shqipëria të jetë më komode krah vendeve të tjera në OSBE?
Rama: Ne nuk jemi komod, por super komod, e them këtë pa zbukurime. Jemi super krenarë që e kemi marrë këtë përgjegjësi kaq të madhe dhe që Shqipëria sot është këtu. Ky është një vlerëim. Gazetarët e pakënaqur duhet të lexojnë ligjin. Kjo nuk është një çështje e OSBE-së. OSBE-ja e ka miratuar plotësisht paketën e kaluar në Kuvend. Jemi të gatshëm të ofrojmë kushte, asistencë të nevojshme për lexim që kush është i pakënaqur të lexojë ligjin. Përsa i përket pjesës së krizës politike, është tejkaluar fjala e madhe është një krizë artificiale e injektuar nga politika shëiptare nga njëra palë por është e rëndëisshme që jemi në një process dakortësie lidhur me Reformën Zgjedhore. Kështu që nuk mendoj që në këtë familje prej 57 vendesh përfaqësojmë një vend me një krizë të veçantë.
Paketa “Anti-Shpifje” është miratuar nga Kuvendi i Shqipërisë javën e fundit të dhjetorit.
Mirëpo, ajo hasi në kundërshtime të shumta nga gazetarët, por jo vetëm.
Ky ligj është konsideruar si një çensurë ndaj fjalës së lirë nga gazetarët, të cilët zhvilluan edhe një protestë.
Tashmë ligji do i kalojë Metës, i cili do vendos nëse do e dekretojë ose jo atë.
