Kryeministri Liberal i Kanadasë, Justin Trudeau e gjen veten prapa në sondazhe përpara zgjedhjeve të parakohshme të cilat ai i thirri duke shpresuar se menaxhimi i tij i krizës COVID-19, do ta shtynte drejt fitores.
Trudeau thirri zgjedhjet e 20 shtatorit muajin e kaluar, dy vjet para afatit. Në atë kohë, Liberalët e tij ishin shumë përpara dhe dukej se do të rifitonin shumicën në parlament që humbën në vitin 2019. Rivalja e tij kryesore, udhëheqësja konservatore Erin O’Toole, e ka sulmuar vazhdimisht atë për thirrjen e zgjedhjeve gjatë pandemisë.
Sondazhet e fundit të “Nanos”, “Ekos” dhe të tjerëve tregojnë se mbështetja liberale është zbehur pasi votuesit janë lodhur nga Trudeau, 49 vjeç, i cili ka qenë në pushtet që nga viti 2015. Një strateg liberal tha të premten se thirrja e votimit të hershëm rezultoi ndryshe nga sa pritej, pasi u pa si “gabuar” dhe “babëzitur” nga zgjedhësit.
Gjithashtu të premten, zyrtarët shëndetësorë kanadezë lëshuan modelin që tregonte se rastet e reja të COVID-19 mund të kapërcejnë kulmin e valës së tretë brenda muajit, dhe paralajmëruan se nëse vaksinimet mes të rinjve nuk rriten, kapaciteti spitalor i vendit mund të tejkalohet.
Sondazhi i Nanos Research për CTV i vendosi Konservatorët në 35.7% mbështetje publike, me Liberalët në 30.7% dhe Demokratët e rinj me prirje të majtë më të vogël në 18.3%. Një sondazh i Ekos i publikuar të enjten vonë i vë Konservatorët në 35.5% kundrejt 30.7% për Liberalët.
Nëse këto shifra do të jenë të pandryshuara në ditën e zgjedhjeve, O’Toole ka shumë të ngjarë të fitojë një administratë të pakicës.
