Kryeministri Edi Rama në një deklaratë për mediat, ka komentuar ngërçin me Gjykatën Kushtetuese.
Kreu i qeverisë është ndalur edhe te padia që presidenti Ilir Meta do të depozitojë të hënën për kreun e KED, Ardian Dvoranin.
Rama është shprehur se kjo është një çështje shumë e qartë dhe tani duhet t’i takojë proceseve ligjore.
Ai ka thënë më tej, se ka bërë çdo gjë që ishte e mundur, në linjë me SHBA dhe BE.
Sipas kryeministrit, Meta është pozicionuar në anën e gabuar të historisë.
“Mbase nuk më dëgjuat por unë s’dua që ne të përfshihemi në këtë konflikt si dy palë që japin e marrin bam e bum për cështje që nga njëra anë janë shumnë të qarta e nga ana tjetër tani duhet tu përkasin proceseve legjitime e ligjore. Gjithcka mund të bënim e bëmë dhe të linjëzuar 100% me ata që janë mbështetësit e garantët e reformës në drejtësi SHBA dhe BE. Është një tjetër rast kur ne jemi në anën e duhur të historisë por fatkeqësisht Ilir Meta edhe një herë tjetër në anën e gabuar të historisë”, tha Rama.
