Një incident ka ndodhur një natë më parë në Shërbimin e Psikiatrisë, ku shkak është bërë një paciente që kishte qenë më parë e shtruar në këtë shërbim dhe tani merr shërbim ambulator.
Sipas burimeve, pacientja ka zbritur në katin -1 dhe ka vendosur flakën një dysheku të vjetër, i cili ndodhej në një krevat jashtë funksionit.
Për shkak të përbërjes së dyshekut, djegia ka shkaktuar tymnajë të madhe, duke krijuar panik te personeli mjekësor, pacientët dhe të afërmit që ndodheshin në spital në atë moment.
Sidoqoftë, nuk janë raportuar dëme të tjera, përfshirë dëme materiale.
Drejtoria e QSUT ka shpërndarë një deklaratë, duke shpjeguar se incidenti kishte ndodhur për shkak të një shkëndije elektrike në Shërbimin e Neurologjisë.
Megjithatë, kjo është një pasaktësi, pasi dy shërbimet janë në dy godina të ndryshme dhe larg nga njëra-tjetra.
