Kryeministri Edi Rama pak ditë ma parë, vendosi fasha të reja orare për lëvizjen e këmbësorëve, duke qenë se ndërgjegjësimi ishte i ulët.
Me rregullin e ri qytetarët duhet të lëvizin në fashat 06:00-10:00 paradite dhe 16:00-17:00 pasdite.
Mirëpo shumë qytetarë i kanë shfrytëzuar orët e paradites, për të bërë xhiro, ndërsa një pjesë e mirë nuk kanë marrë asnjë masë mbrojtëse.
Edhe pse Rama paralajmëroi gjoba deri në 100 mijë lekë për mosrespektim të masave, ka nga ata që nuk duan t’ja dinë dhe ecin të përqafuar.
Qytetarët ende nuk janë ndërgjegjësuar, që këto fasha orari shërbejnë për të përmbushur nevojat jetësore.
“Report Tv” ka sjellë pamje nga disa prej qytete të Shqipërisë.
Në qytetin e Sarandës ka lëvizje të pakta, por njerëzit nuk kanë hequr dorë nga argëtimi, si dy burrat në këtë foto që po luajnë me letra.
Në Korçë është respektuar orari i lëvizjes, por ka edhe nga ata që i shfrytëzojnë për të dalë në grupe me 3 apo 4 persona, pa respektuar distancën nga njëri-tjetri.
Tirana gjithashtu ofroi një panoramë jo të këndshme, teksa në zonën e Pazarit të Ri, ka lëvizje të shumta të qytetarëve, të cilët nuk respektojnë masat mbrojtëse.
Edhe në Lushnje apo Berat, sheshet janë plot me njerëz, të cilët nuk i kanë ndalur xhirot.
Durrësi po ashtu nuk duket aspak i ndërgjegjësuar, teksa qytetarët dalin pa masa mbrojtëse, ndërsa ka edhe nga ata që ecin të përqafuar.
