OSBE/ODIHR përplas Qeverinë me Opozitën

Ka mjaftuar raporti i fundit nga OSBE/ODIHR që Qeveria dhe opozita të përplasen sërish me njëra-tjetrën.
Më herët gjatë ditës, Ministri i Jashtëm në detyrë, Gent Cakaj, vuri theksin tek problemet që opozita krijoi për pengimin e zgjedhjeve të 30 Qershorit.
Sipas tij në raportin në fjalë, vecohet sjellja e PD dhe LSI, përpara godinës së Kryeministrisë.
“Kësaj rradhe kemi pasur shumë më shumë sesa bojkoti nga opozita. Jemi ekspozuar nga një dhunë vandaliste para dhe pas procesit zgjedhor.
Këtë e thotë edhe raporti. Madje kemi pasur tentativa për bllokim të procesit të integrimit të Shqipërisë në BE”- than ë fjalën e tij ministri në detyrë, Cakaj.
I menjëhershëm ishte reagimi nga selia e Partisë Demokratike, me sekretarin e Përgjithshëm, Gazmend Bardhit.
Drejtuesi i lartë i Opozitës theksoi mëse njëherë se zgjedhjet nuk ishin demokratike, madje ai tha se se raporti nuk ishte për Opozitën.
Sipas sekretarit të PD, ky raport ishte i qartë dhe evidentoi përgjegjësinë e Qeverisë për garantimin e zgjedhjeve të lira e të ndershme.
“Opozita kërkon vetëm dënim të kriminelëve, siç dëshmuan dosjet “184” dhe “339. Rama jo vetëm që nuk është distancuar nga hajdutët e zgjedhjeve, por kryehajdutin e Dibrës e ka marrë në mbrojtje, duke e bërë kryetar të administrimit zgjedhor. Raporti nuk ishte për Opozitën, siç u shpreh zëdhënësi i Ramës, pasi nuk është për të monitoruar veprimtarinë e saj”, e mbylli Gazmend Bardhi.