Zv/ministri i Diasporës në Kosovë, Arian Daci dhe një person tjetër kanë humbur jetën si pasojë e rënies së një orteku dëbore, rreth orës 15:00 në Brezovicë.
Lajmi është konfirmuar edhe nga Drejtori i Agjencisë për Mbrojtje të Mjedisit në Kosovë, Ilir Morina, raporton KosovaPress.
Arian Daci, është edhe djali i kryetarit të Akademisë së Shkencave Nexhat Daci.
Dy personat dyshohet se kishin shkuar në Brezovicë për sporte ekstreme, çka ka shkaktuar edhe tragjedinë e rëndë.
Presidenti i Kosovës dhe Kryeministri kanë shprehur ngushëllime për ndarjen nga jeta të Dacit.
“Me pikëllim të madh kam pranuar lajmin për vdekjen tragjike të zëvendësministrit të Diasporës, Arian Daci, djalit të kryetarit të Akademisë së Shkencave dhe mikut tim, Nexhat Daci. Në këto momente shumë të rënda, si President dhe mik i familjes, në emrin tim dhe qytetarëve të Kosovës i shpreh ngushëllimet më të sinqerta kryetarit Daci dhe familjes së tij”, shkuarn Presidenti Hashim Thaçi në Facebook.
Kryeministri i Kosovës, Ramush Haradinaj është shprehur gjithashtu i tronditur nga fatkeqësia në Brezovicë.
“Ngushëllimet më të sinqerta mikut tim, Akademik Nexhat Dacit, familjes së ngushtë të Arianit, si dhe miqve e kolegëve të tij”, ka shkruar Haradinaj.
