Policia e shtetit në kuadër të për parandalimit, evidentimit dhe goditjes së paligjshmërisë, ka arrestuar në Berat një pronar, në lokalin e të cilit ushtrohej aktiviteti i lojërave të fatit.
U sekuestruan 2 aparate celular, në cilësinë e provave matriale, të cilët dyshohet se përdoreshin për ushtrimin e aktivitetit të lojërave të fatit.
Njoftimi i Policisë së Shtetit:
Berat
Vijojnë kontrollet për parandalimin, evidentimin dhe goditjen e paligjshmërisë.
Goditet një tjetër rast i aktivitetit të kundërligjshëm në fushën e lojrave të fatit.
Arrestohet në flagrancë pronari I lokalit ku ushtrohej onlinë kjo veprimtari. Në vijim të punës për evidentimin dhe ndëshkimin e paligjshmërisë, specialistët e Seksionit për Hetimin e Krimit në Komisariatin e Policisë Berat, konstatuan një rast të ushtrimit të aktivitetit të paligjshëm të lojërave të fatit online.
Në përfundim të veprimeve hetimore, specialistët arrestuan shtetasin K.K., 33 vjeç banues në Berat, pasi gjatë kontrollit në ambjentet e lokalit në pronësi të tij konstatua duke ushtruar aktivitetin e lojrave të fatit, lloto sporti online.
Në cilësinë e provës materiale u sekustruan 2 aparate celular, të cilët dyshohet se përdoreshin për ushtrimin e aktivitetit të lojrave të fatit.
Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.
