Pasditen e sotme kryetari i Këshillit Kombëtar të PD, Edi Paloka i ftuar në Faxnews ka folur për debatet, aksionin politik të opozitës dhe zgjedhjet vendore.
Paloka tha se protesta është një pjesë e strategjisë për të rrëzuar këtë qeveri. Sa i takon zgjedhjeve vendore ai tha se është dakort që PD dhe LSI e jo vetëm, të dalin me një kandidat të përbashkët por si do të arrihet kjo gjë, pritet të diskutohet në ditët e ardhshme.
Edi Paloka: Nuk ka pas vërejtje ka qenë vetë zoti Biberaj që ka ngritur këtë cështje, që ishte diskutuar në mbledhjet e mëparshme. Aksioni politik ishte ne rënd ditë të një mbledhjeje më pare.
Më të interesuarit për të ndryshuar gjërat jemi ne, dhe kemi nevoje për strategji, po bëjmë përgatitjet nuk mund të nisemi me “urra” diku dhe të kthehemi në shtëpi pa asgjë.
Protestë kishim një sot, do të ketë pas pak ditësh, protesta nuk është një qëllim vetvete. Ata që flasin e na thone që kishin premtuar protesta, protesta është një pjesë e strategjisë për të rrëzuar këtë qeveri. Protesta i shërben rrëzimit të kësaj qeverie.
Strategjia është më e gjerë dhe më serioze se kaq. Protestën ja javën tjetër e bëjmë, por kush do të jetë rezultati. Nuk është opozita për show.
Zgjedhjet për kreun e ri të FRPD dhe akuzave për manipulime?
As nuk jam marrë me zgjedhjet e forumit, forumi është partner i PD, ska lidhje me PD. Ne kemi pasur porosi që të mos ndërhyjmë në zgjedhje. I kam dëgjuar vërejtjet që ka pasur, nuk di a ka verejtje zyrtare nga kandidatët. Kur ka garë ka edhe pakënaqësi.
E di që kanë qenë disa takime të opozitës, por mendoj që afatet janë ato kushtetuese, nuk kemi ndonjë datë të preferuar, për mua sa më oparë, aq më mirë.
PD dhe LSI me një kandidat?
Jo vetëm këto por e gjithë opozita duhet të dalë me një kandidat të përbashkët, dhe mënyra si do arrihet duhet të diskutohet. Jo vetëm me partitë opzitare edhe me gjerë do diskutojme dhe të sjelli kandidatët më të mirë.
